कृषि,भूमि व्यवस्था तथा सहकारी मन्त्री चक्रपाणी खनाल‘बलदेव’ले युवाहरु रोजगारीको लागि बिदेश जानबाट रोक्न सक्ने अवस्था अहिले नभएको बताएका छन । प्रेस सेन्टर नेपाल बागलुङले आईतबार आयोजना गरेको पत्रकार सम्मेलनमा मन्त्री खनालले स्वदेशमा नै प्राप्त रोजगारी नभए सम्म बिदेश जानबाट रोक्न नसक्ने अवस्था रहेको बताएका हुन ।
नाराको भरले मात्र चल्दैन ,खनाले भने ,युवाहरुलाई स्वदेशमा नै रोजगारी दिलाउने बाताबरण तयार गर्नु पर्छ । अबको १० बर्षमात्र युवाहरुलाई बिदेश जानबाट रोक्न सकिने मन्त्री खनालले बताए । एक हजार युवाहरुलाई रोजगारी दिलाउने गरि योजना बनाउन आफुले मन्त्रालयमा काम थालेको बताए ।
कृषिमा आत्मनिर्भर बनाउनको लागि सरकारले नय“ा योजना बनाउदै गरेको अहिले मुलुक दुध र गहु“मा आत्मनिर्भर भएको बताउदै अबको दुई बर्ष भित्र चामलमा पनि आत्मनिर्भर बनाउन सकिने बताए । अहिले आयातमात्र रोक्न सकेमात्र पनि मुलुकको अर्थतन्त्रमा सुधार आउने उनको भनाई छ । मन्त्री खनालले मुलुकका सात ओटा प्रदेशलाई कृषि जोन बनाउ सरकार लागिरहेको बताए ।
उनले प्रधानमन्त्रीको भारत भ्रमण अगाडी नै नेकपा एमाले र माओबादी केन्द्र बिच पार्टी एकता हुने बताएका छन । प्रधानमन्त्री ओलीको भारत भ्रमण र पार्टी एकताबिच कुनै सन्दर्भ नरहेको बताए । मन्त्री खनालले पार्टी एकता गर्ने बिषयमा माओबादीबाट कुनै अवरोध नरहेको बताए । उनले पार्टी एकता पछि सरकारको नेतृत्व भने हेरफेर हुने सक्ने बताएका छन ।
