बागलुङको ढोरपाटन नगरपालिका–५ प्याङखोलामा ट्याक्सी दुर्घटना हुँदा एक जनाको मृत्यु भएको छ । दुई जना घाइते भएका छन् ।
मंगलबार साँझ पोखराबाट प्याङ्खोला जाँदै गरेको ध१ज ५२८ नम्बरको ट्याक्सी प्याङ्खोला घुम्तीमा दुर्घटना हुँदा एक जनाको घटनास्थलमै मृत्यु भएको इलाका प्रहरी कार्यालय बुर्तिबाङका प्रमुख जयराम वन्तले जानकारी दिए । उनका अनुसार प्याङ्खोलाकै ४० वर्षीय जोकबहादुर विकको मृत्यु भएको छ ।
दुर्घटनामा चालकसहित दुई जना घाइते भएका छन् । घाइतेलाई उपचारका लागि बुर्तिबाङ प्राथमिक स्वास्थ्य केन्द्रमा ल्याइदै गरेको प्रमुख वन्तले नयाँ विश्वलाई जानकारी दिए ।
