बागलुङ । महिलाको आर्थिक सशक्तिकरण, उत्पादनलाई बजारीकरण र लैगिक विभेदको अन्त्य गर्न सहयोग पुगोस भनि महिला समूहका सदस्यहरुलाई बाख्रा वितरण गरिएको छ ।
काठेखोला गाउँपालिका र हेफर इन्टरनेसनल नेपालको आर्थिक तथा प्राविधिक सहयोगमा र विवाईसि बागलुङको व्यवस्थापनमा काठेखोला गाउँपालिकामा संचालित कृषि तथा पशु उद्यमशिलता विकास परियोजनामा आवद्व काठेखोलाग गाउँपालिकाको वडा नं ७ र ३ का शुभलक्ष्मी महिला समूह र सृजनशिल महिला समूहका सदस्यहरुलाई ४० वटा बाख्रा वितरण गरिएको छ ।
कार्यक्रममा काठेखोला गाउँपालिकाका अध्यक्ष राजु थापा, वडा नं ७ का वडा अध्यक्ष प्रेम लामिछाने, विवाईसि बागलुङको अध्यक्ष मणिभन्द्र शर्मा, विवाईसि बागलुङको संचालक समिति सदस्य डिल्ली राज उपाध्याय, वडा नं ३ वडा अध्यक्ष कुल बहादुर विक र सृजनशिल महिला समूहका अध्यक्ष सिता जिसीले मन्तव्य व्यक्त गरेका थिए ।
कार्यक्रममा विवाईसि बागलुङका अध्यक्ष मणिभन्द्र शर्माको अध्यक्षता र विवाईसि बागलुङका कर्मचारी रिता शर्माको संचालनमा सम्पन्न भएको थियो ।
विवाईसि बागलुङ जिल्लामा महिलाको आर्थिक सशक्तिकरण, सर्वसाधारण नागरिकहरुको जनस्वास्थ्यमा पहुँच र ग्रामीण स्वास्थ्य सुधार, सामुदायिक विकास, सामाजिक रुपान्तरण र दिगो विकास लक्ष्य हासिल गर्न क्रियाशिल छ ।
