बागलुङ नगरपालिका वडा न १४ नारायणस्थानमा गत चैत्र २५ मा सम्पन्न निःशुल्क स्वास्थ्य शिविरमा पहिचान भई विभिन्न रोगको जटिल समस्या रहेका ११ जनाको काठमाण्डौंमा थप उपचार सुरु भएको छ ।
शिविरमा रोग पहिचान भई थप उपचार र अप्रेशनका लागि सिफारिस भएका ९५ जना मध्य ११ जनाको काठमाण्डौं मेडिकल कलेज अस्पताल सिनामंगलमा उपचार सुरु गरिएको हो ।
प्रदेश सांसद सुवेदीकै पहलमा विरामीहरुको आवश्यक उपचार भैरहेको छ । चैत्र २५ गते सम्पन्न निःशुल्क स्वास्थ्य शिविरमा २२ सय ९६ जनाले सेवा लिएका थिए।
बागलुङ नगरपालिका कार्यालयको स्वास्थ्य शाखा, स्वास्थ्य कार्यालय बागलुङको समन्वयमा र काठमाडौं मेडिकल कलेज काठमाडौंको प्राविधिक सहयोगमा सम्पन्न स्वास्थ्य शिविरमा धेरै ग्रामीण भेगका नागरिकहरुले सेवा लिएको थिए ।
शिविरमा आएका ९५ जना जटिल रोगका विरामीको काठमाण्डौं मेडिकल कलेजले सुपथ मूल्यमा उपचार गर्ने गरि सुवेदीले पहल गरेका थिए ।
