बागलुङ । बागलुङको बोबाङबाट ढोरपाटन जाँदै गरेको पिकअप जिप दुर्घटना हुँदा एक जनाको मृत्यु भएको छ ।
शुक्रबार राति १० बजे ढोरपाटन नगरपालिका ९ चौबिरमा पिकअप जिप दुर्घटना हुँदा स्थानीय राजिन्द्र अदैको मृत्यु भएको ढोरपाटन नगरपालिकाका कार्यवाहक प्रमुख धनबहादुर कायतले बताउनुभयो ।
उहाँका अनुसार जिप दुर्घटनामा अन्य चार जना घाइते भएका छन् । घाइते हुनेहरुलाई उपचारका लागि बुर्तिबाङ अस्पतालमा ल्याउँदै गरिएको छ ।
बोबाङबाट ढोरपाटन जाँदै गरेको पिकअप जिपमा ५ जना चढेका थिए भने उकालोमा ब्रेकफेल हुँदा उक्त जिप दुर्घटना भएको जनाइएको छ ।
