बागलुङ । चाडवाडको समयमा यात्रुलाई पर्ने समस्यालाई लक्षित गरी जिल्लाको मुख्य चार स्थानमा ‘यात्रु सहायता कक्ष’ स्थापना गरिएको छ ।
चाडवाडको सयमा यात्रुलाई पर्न सक्ने असुविधालाई मनन् गर्दै यात्रुलाई लामो र छोटो दुरीको यात्रा गर्दा समस्या नपरोस भनेर कक्षको स्थापना गरिएको हो ।
बागलुङको मुख्य प्रवेशद्वार मालढुङ्गा, ट्राफिक चोक गलकोट र बुर्तिवाङमा यात्रु सहायता कक्ष स्थापना गरिएको छ । दशैं तिहार नजिकिएसंगै बागलुङ जिल्लाको मुख्य प्रवेशद्वार मालढुङ्गा सहित चार स्थानमा यात्रु सहायता कक्षस्थापना गरिएको छ ।
यात्रु सहायतका कक्षको बागलुङका प्रमुख जिल्ला अधिकारी कृष्ण प्रसाद आचार्यले उद्घाटन गर्नुभएको हो । उद्घाटनपछि बोल्द आचार्यले चाडवाडमा यात्रु ठगिन नदिन यात्रु सहायता कक्षको स्थापना गरिएको बताउनुभयो ।
उहाँले यात्रु ठगिएको सामान लुटपाट गरिएको लगायतको विषयमा तत्कालै उजुरी संगै सुनुवाई हुँने बताउनुभयो ।
बागलुङको मुख्य प्रवेशद्वार मालढुङ्गा, जिल्ला ट्राफिक कार्यालय बागलुङको परिसर, गलकोटको हटिया बजार र वुर्तिवाङ बजारमा यात्रु सहायता कक्ष स्थापना गरिएको जिल्ला प्रहरी कार्यालय बागलुङका प्रमुख फडिन्द्र प्रसाईले जानकारी दिनुभयो ।
चाडवाडको सयमा यात्रुलाई पर्न सक्ने असुविधालाई मनन् गर्दै भाडादरको सूचना बोर्ड सहित यात्रु सहायता कक्ष स्थापना गरिएको हो । यात्रुलाई लामो र छोटो दुरीको यात्रा गर्दा समस्या नपरोस भनेर कक्षको स्थापना गरिएको हो ।
