नेपाली कांग्रेसका महामन्त्री शशांक कोइराला चढेको कार बागमती सडकमा फसेको छ । अविरल वर्षासँगै संकलन भएको पानीमा कोइरालाको कार फसेको हो ।
त्रिपुरेश्वरतर्फबाट पार्टी केन्द्रीय कार्यालय सानेपा जान लागेका कोइरालाको गाडी टेकुपुलमानि फसेको हो ।
उनी आजदेखि सुरू हुने केन्द्रीय समिति बैठकका लागि पार्टी कार्यालय जान लागेका थिए । वर्षाले काठमाडौं उपत्यकाभित्र सवारी आवागमनमा खासै समस्या नरहे पनि बागमती नदी करिडोरमा भने समस्या देखिएको ट्राफिक प्रहरी प्रवक्ता एसपी रवीकुमार पौडेलले बताए ।
