बागलुङ । तमानखोला गाउपालिकाको वडा नं ४ लाम्मेलामा पहिरोले घर पुरिँदा ३ जनाको मृत्यु भएको छ ।
आइतबार राति २ बजे तिर गएको पहिरोलेले लाम्मेल ४ सन्दरका ५ घर पुरिएको हो ।
पहिरोले पुरिएर ज्यान गुमाएकी चन्द्रकुमारी श्रीपालीको शव बाहिर निकालिएको छ भने अन्य दुईजना असारी श्रीपाली र प्रवीण श्रीपालीको खोजी कार्य जारी रहेको इलाका प्रहरी कार्यालय बुर्तिबाङका प्रमुख प्रहरी सहायक निरीक्षक समुन्त्र नेपालले जानकारी दिए ।
घटनास्थलमा प्रहरी आइसकेको र स्थानीयको सहयोगमा उद्धार कार्य जारी रहेको तमानखोला गाउँपालिका अध्यक्ष जोकलाल बुढाले बताए ।
पहिरोमा परेका ६ जनाको उद्धार गरिएको र उनीहरुलाई उपचारको लागि पठाउने तयारी भइरहेको अध्यक्ष बुढाले बताए ।
