केही दिनदेखि सुनको मूल्य लगातार बढिरहेको भए पनि मङ्गलवार केही घटेको छ । सुनको मूल्य अप्रत्याशित रूपमा बढेपछि विश्वभरि नै विक्री गर्ने क्रम बढेपछि मङ्गलवार सुनको भाउ केही घटेको नेपाली सुन व्यवसायीहरुले बताएका छन् ।
अहिले अमेरिका र इरानबीच जारी तनावले सुनको मूल्य विश्वभरि नै बढेको विज्ञहरुले बताएका छन् । नेपाली बजारमा मङ्गलवार छापावाल सुनको भाउ प्रतितोला १ हजार रुपैयाले घटेर ७५ हजार कायम भएको छ । सोमवार छापावाल सुनको मूल्य प्रतितोला ७६ हजार थियो ।
नेपाली विक्रेताका अनुसार सोमवार विश्वबजारमा सुनको भाउ प्रतिऔन्स १,५७५ डलर हुँदा नेपाली बजारका लागि मूल्य निर्धारण गरिएको थियो ।
