सिन्धुलीको गोलञ्जोर गाउँपालिका –७ तल्लो बारामा सोमबार गाडीले ठक्कर दिँदा एक जनाको मृत्यु भएको छ । स्थानीय ५० वर्षीय नन्दलाल श्रेष्ठको मृत्यु भएको प्रहरीले जनाएको छ ।
श्रेष्ठलाई ठक्कर दिएर गाडी फरार भएपछि स्थानीयले राजमार्ग अवरुद्ध गरेका छन् । जिल्ला प्रहरी कार्यालय सिन्धुलीका अनुसार बिहान ५ बजे गाडीले ठक्कर दिँदा श्रेष्ठको मृत्यु भएको थियो ।
ठक्कर दिने गाडीको पहिचान नभएपछि स्थानीयले सडक अवरुद्ध गरेको जिल्ला प्रहरी कार्यालय सिन्धुलीका प्रहरी नायक उपरीक्षक श्यामबहादुर खत्रीले बताए ।
