नागरिक संचार प्रालिद्वारा संचालित नयाँ विश्व डटकम पत्रिकाका सेयर सदस्य सिद्धार्थ मिलन श्रेष्ठको बुबा सूर्य प्रसाद श्रेष्ठ ‘मिलन’ प्रति पत्रिकाको तर्फबाट भावपूर्ण श्रद्धान्जली र शोकाकुल परिवारमा गहिरो समवेदना व्यक्त गरेको छ ।
बागलुङ नगरपालिका वडा नं ३ लालिगुराँस चोक निवासि श्रेष्ठको ८० वर्षको उमेर निधन भएको थियो ।शोकसभामा पूर्वशिक्षक तथा संस्कृतिकर्मी सूर्य प्रसाद श्रेष्ठ ‘मिलन’ को निधनले समाजमा अपुरणीय क्षति पृुगेको वक्ताहरुले बताए ।
शुक्रबार सम्पन्न शोक सभामा नयाँ विश्व डटकमका कार्यसमितिका सदस्य भरत शर्मा,माधव शर्मा र विदेश कुमार श्रेष्ठले शोक मन्तव्य व्यक्त गरेका थिए ।कार्यक्रमको संचालन नयाँ विश्व डटकमका कार्यसमितिका सचिव मुकेशचन्द्र राजभण्डारीले गरेका थिए ।
श्रेष्ठ धौलागिरि अंचलकै पुरानो विद्यालय विद्यामन्दिर माध्यमिक विद्यालयका पूर्वशिक्षक तथा संस्कृतिकर्मी थिए ।उनले लामो समय विद्यालयमा स्वास्थ्य विषय पढाएका थिए । ‘मिलन’ उपनामले परिचित श्रेष्ठमा चित्रकला,नाटक र रोपाइ नाचमा विशेष दखल थियो । श्रेष्ठले बास्सा नाचका कलाकारहरुलाई सृंगार गर्ने कार्यमा महत्वपूर्ण भूमिका निर्वाह गरेका थिए ।विद्यामन्दिर माध्यामिक विद्यालयबाट विसं २०१६ सालमा पाल्पाबाट एसएलसि दिने श्रेष्ठ पहिलो पुस्ताका विद्यार्थी थिए ।
श्रेष्ठले विद्यामन्दिर माध्यमिक विद्यालयको नयाँ भवन निर्माणको लागि १३ लाख ५० हजार प्रदान गरी एउटा सुविधा सम्पन्न कोठा निर्माण गर्नुको साथै विज्ञान प्रयोगशाला बनाउनको लागि ३ लाख रुपैयाँ प्रदान गर्नु भएको थियो ।
