काठमाडौं। आइएमई इलेक्ट्रिकले राफ्ट इलेक्ट्रिक स्कुटरको नयाँ डिलर महाराजगञ्जमा संचालनमा ल्याएको छ। कम्पनीले गरिमा अटो कन्सर्नको रूपमा नयाँ डिलर महाराजगञ्जमा थपेको आइएमई इलेक्ट्रिकले जनाएको छ ।
विद्युतीय सवारीसाधनप्रति युवाहरुको आकर्षणलाई ध्यानमा राखेर कम्पनीले आक्रमक ढंगले बजार विस्तारु गरेको छ ।
उक्त डिलरको बुधबार आइएमई ग्रुपका अध्यक्ष चन्द्रप्रसाद ढकाल र नेपाल विद्युत प्राधिकरणका प्रबन्ध निर्देशक कुलमान घिसिङले संयुक्त रुपमा उद्घाटन गरेका हुन् ।
विद्युतीय सवारीसाधनको प्रयोगले इन्धन आयात घटाउन र बिजुलीको खपटलाई बढाउन सहयोग पुग्ने नेपाल विद्युत प्राधिकरणका प्रबन्ध निर्देशक घिसिङले बताउनु भयो ।
वातावरण स्वच्छ राख्न, पेट्रोलियम आयात घटाउन र अर्थतन्त्रको सुधारमा इलेक्ट्रिक सवारी साधनले योगदान दिने आइएमई समूहका अध्यक्ष ढकालले भन्नु भयो ।
