फोब्र्स म्यागेजिनले विश्वका शक्तिशाली १०० महिलाको सुची सार्वजनिक गरेको छ । जसमा सबैभन्दा शक्तिशाली महिलाको रुपमा जर्मन चान्सलर एन्जेला मर्केललाई फोब्र्सले ११औं पटक सुचीको पहिलो स्थानमा राखेको छ ।
उनी पछिल्लो १२ वर्षमा ११ पटक सुचीको शिर्ष स्थानमा पर्न सफल भएकी हुन । एन्जेला मर्केल चान्सलर पदमा चौथौ कार्यकाल सम्हालिरहेकी छिन ।
त्यसैगरी शक्तिशाली १०० महिलाको सुचीमा बेलायती प्रधानमन्त्री टरिसा मे दोस्रो स्थानमा छिन । भने तेस्रो स्थानमा विल एल्ड मेलिन्डा गेट्स फाउन्डेसनकी सहअध्यक्ष मेलिन्डा गेट्स रहेकी छन ।
सुचीको चौथो स्थानमा फेसबुककी चिफ अपरेटिङ अफिसर सेरिल स्यान्डबर्ग पर्न सफल भएकी छिन । पाँचौ स्थानमा अमेरिकाको जनरल मोटरकी प्रमुख कार्यकारी मेरी बारा रहेकी छिन ।
त्यस्तै युट्युबकी प्रमुख कार्यकारी सुसन वोइस्की छैटौँ, अमेरिकी कम्पनी फिडेलिटी इन्भेस्टमेन्टकी अध्यक्ष अविगेल जोनसन सातौँ, अन्तराष्ट्रिय मुद्रा कोषकी प्रबन्ध निर्देशक क्रिस्टी आठौँ, सान्टान्डेर समुहकी कार्यकारी प्रमुख प्याट्रिसिया बोटिन नवाँै र आइबिएमकी अध्यक्ष जिनी रोमेटी दशौँ स्थानमा रहन सफल भएका छन ।
त्यस्तै सुचीमा पर्न सफल अन्य प्रभावशाली महिलाहरुमा ह्वाइटहाउसकी वरिष्ठ सल्लाहकार इभान्का ट्रम्प १९ औँ रानी एलिजाबेथ द्धितीय २६ आँै बंगलादेशकी प्रधानमन्त्री शेख हसिना ३० आँै र आङ सान सुकी ३३आँै स्थानमा छन ।
गायिका बियोन्से ५० औँ नम्वरमा छिन भने चिनियाँ प्रथम महिला पेङ लियुङ ५१ आँै स्थानमा पर्न सफल भएकी छिन । गत वर्ष दोस्रो स्थानमा रहेकी हिलारी क्लिन्टन यो बर्ष ६५औँ स्थानमा पुगेकी छिन ।
मार्क जुकरबर्गपत्नी तथा परोपकारी परिसिला चान ६९औँ हलिउड निर्माता क्याथलिन केनेडी ७७औँ एरियाना हफिङटन ७९औँ, लेखिका जेके रोलिङ ८८आँै र अभिनेत्री प्रियंका चोपडा ९७औँ स्थानमा पर्न सफल भएका छन ।
#गज्जब साप्ताहिकबाट#