सन् २०२२ मा कतारमा आयोजना हुने विश्वकपको दोस्रो चरणको छनोट खेलमा नेपालले आज (बिहीबार) पहिलो लेगअन्तर्गत कुवेतविरुद्ध खेल्दै छ ।
कुवेतको जविर अल अहमेद इन्टरनेसनल मैदानमा नेपाली समयअनुसार राति पौने ११ बजे खेल हुनेछ ।
प्रतियोगितामा नेपालले होम एन्ड अवेका आधारमा समूहका चार टिमसँग प्रतिस्पर्धा गर्नेछ । नेपालको समूहमा एसियाली पावर हाउस मानिने अस्ट्रेलियासहित कुवेत, जोर्डन र चाइनिज ताइपेई समावेश छन् ।
फिफा वरीयतामा नेपालभन्दा कुवेत चार स्थान मात्र माथि छ । नेपाल १ सय ६६ र कुवेत १ सय ५६औं स्थानमा छ ।
तर शारीरिक र प्राविधिक रूपमा उत्कृष्ट कुवेती टोलीको सामना गर्न नेपाललाई पक्कै कठिन हुनेछ ।
