प्रतिनिधिसभा विघटनविरुद्ध सर्वोच्च अदालतमा परेको रिटमाथिको बहसमा प्रधानमन्त्री केपी शर्मा ओलीका वकिलसँग प्रधानन्यायाधीश चोलेन्द्र शम्शेर जबरा रिसाएका छन् ।
प्रधानन्यायाधीश जबराले १ जनालाई १५ मिनेटको समय मात्रै दिन सकिने गरी आइतबार समय निर्धारण गरेका थिए । तर सोमवार शुरूमै बहस गरेका प्रधानमन्त्री ओलीको पक्षका अधिवक्ता ईश्वरी भट्टराईले बढी समय लिएपछि जबरा रिसाएका हुन् ।
अधिवक्ता भट्टराई नरोकिएपछि प्रधानन्यायाधीश जबराले भने, ‘१५ मिनेट भनेको धेरै बोल्नुभयो, तपाईंको समय धेरै गइसक्यो । अब बहस नगर्नुहोस्, छाडिदिनुहोस् !’
जबराले अगाडि भने, ‘हाम्रो बाध्यतालाई हेर्नुहुन्न तपाईंहरू । तपाईंहरू भनेकै मान्नुहुन्न !’
