काठमाडौं । नेपाल चेम्बर अफ कमर्सका निवर्तमान अध्यक्ष एवं निर्जीवन बीमा व्यवसायी संघका अध्यक्ष राजेन्द्र मल्ल कर्पोरेट सोसियल अवार्डबाट सम्मानित भएका छन् ।
लायन्स क्लब इन्टरनेशनलले मल्ललाई कर्पोरेट सोसियल अवार्डबाट सम्मान गरेको हो ।
ललितपुरमा आयोजित एक कार्यक्रममा उद्योग वाणिज्य महासंघका अध्यक्ष चन्द्र ढकाल एवं लायन्स इन्टरनेशनलका पदाधिकारीले मल्ललाई संयुक्त रूपमा सम्मान गरे ।
व्यावसायिक नेतृत्वमा रहेर सामाजिक क्षेत्रमा मल्लले गरेको योगदानको कदर स्वरूप चेम्बरका निवर्तमान अध्यक्ष मल्ललाई सम्मान गरिएको लायन्स इन्टरनेशनले जनाएको छ ।
अध्यक्ष मल्लले सामाजिक क्षेत्रमा पनि विभिन्न अभियान चलाउँदै आएका छन् ।
लायन्स इन्टरनेशनलले अध्यक्ष मल्लसहित कला र खेलकुद एवं शिक्षा क्षेत्रमा महत्त्वपूर्ण योगदान पुर्याउनेहरूलाई सम्मान गरेको थियो ।
