गत असार २३ गते अविरल वर्षापछि आएको बाढीले बगाएर बेपत्ता भएका तारोखाला गाउँपालिका–३ का १८ वर्षीय राजेन्द्र कार्की अझै भेटिएका छैनन् । बेपत्तापछि स्थानीय र प्रहरीले लगातार खोजी गरिरहेको भएपनि उनलाई भेटाउन नसकिएको प्रहरीले जनाएको छ ।
इलाका प्रहरी कार्यालय हरिचौरका प्रहरी प्रमुख अर्जुन बम मल्ल नेतृत्वको टोलीले खोजी कार्य जारी राखेको भएपनि कार्की अझै फेला नपरेको इलाका प्रहरी कार्यालय ताराखोलाका प्रमुख लक्ष्मण न्यौपानेले जानकारी दिए ।
प्रहरीले कार्कीलाई ताराखोलादेखि गलकोट, बडिगाडसम्मका खोजी गरिरहेको छ । कार्कीको खोजीमा प्रहरी चौकी हटिया, प्रहरी चौकी खर्बाङसहित स्थानिय परिचालन भएका छन् ।
बाढीले स्थानीय चन्द्र कार्कीको ४१ वटा बाख्रा स्थानीय महेन्द्र कार्कीको १२ वटा बाख्रासहित पशु चौपाय र घर गोठसँगै रेष्टुरेन्टमा समेत क्षति पुयाएको थियो ।
याे पनि पढ्नुहाेस् :
