बागलुङ । मानव सेवा आश्रमको भवन निर्माणका लागि आयोजित ज्ञान–विज्ञान महायज्ञमा सोमबार बागलुङ नगरपालिका–८ सिगानावासीको तर्फबाट एक कोठा निर्माणका लागि योगदान गरिएको छ ।
सोमबार वडा अध्यक्ष छमबहादुर कार्कीको नेतृत्वमा महायज्ञस्थल निरयघाटमा सम्पूर्ण सिगानावासीको तर्फबाट एक मुष्ठ रु ५ लाख ११ हजार सहयोग प्रदान गरिएको छ ।
वडा कार्यालयका सबै नागरिको धेरै थोरी रकम संकलन गरी आश्रमलाई एक कोठा निर्माण गर्न सहयोग गरिएको वडा अध्यक्ष छमबहादुर कार्कीले जानकारी दिनुभयो ।
सोमबार बाजागाजा–भजनकृतन सहित सयौ सिगानावासीको तर्फबाट महायज्ञमा पुगेर रकम हस्तान्तरण गरिएको थियो ।
महायज्ञमा दुई दिनमा झण्डै रु एक करोड रकम संकलन भइसकेको मानव सेवा आश्रमले जनाएको छ । महायज्ञ कात्तिक २८ गतेसम्म सञ्चालनमा आउने छ ।
