बागलुङको बडिगाड गाउँपालिका–१० दर्लिङ बल्देधुरी घटनामा संलग्न रहेको आंशकामा प्रहरीले ४ जनालाई पक्राउ गरेको छ । प्रहरीले घटनामा संलग्न रहेकाे आशंकामा मंगलबार साँझ बडिगाड–१० का ४ जना स्थानीय युवालाई पक्राउ गरेको हो ।
प्रहरी स्रोतका अनुसार घटनामा संलग्न रहेको आरोपमा ४ जना स्थानीयलाई पक्राउ गरी इलाका प्रहरी कार्यालय बुर्तिबाङ पठाइएको छ ।
‘अहिले हामीले भन्न मिल्दैन, अनुसन्धान प्रभावित हुन्छ, एक प्रहरी अधिकारीले भने, ‘घटनामा संलग्न भएको आशंकामा चार जनालाई नियन्त्रणमा लिइ उनीहरुको स्वास्थ्य जाँचपछि थप अनुसन्धान अघि बढ्छ ।’
घटनामा पक्राउ परेका आरोपीहरुको नाम भने प्रहरीले गोप्य राखेको छ ।
आइतबार होली खेल्ने क्रममा युवतीलाई जबजस्ती रंग लगाइदिँदा उत्पन्न झडपमा दुई जनाले ज्यान गुमाएका थिए । ज्यान गुमाउनेमा निसिखोला गाउँपालिका–७ का ३६ वर्षीय प्रकाश कुँवर र ३४ वर्षीय दीपक दमाइ हुन् । उनीहको शव घटनास्थलभन्दा करिब ५ सय मिटर तल जंगलमा फेला परेको थियो ।
घटनामा ज्यान गुमाएका दुई जनाको पोष्टमार्टम गरिएको छ । परिवारको सहमतिमा उनीहरुकाे बुर्तिबाङ प्राथमिक स्वास्थ्य केन्द्रमा पोष्टमार्टम गरिएको हो । बुधबार शव आफ्न्तको जिम्मा लगाउने तयारी भइरहेको बताइएको छ ।
नयाँ विश्वमा प्रकाशित याे पनि हेर्नुहाेस् :
बागलुङ घटनाका दोषीलाई पक्राउ गरी कारबाही गर्न कांग्रेसको माग
बागलुङ होली घटना : मृतक दुई जनाको शव पोष्टमार्टमका लागि अस्पताल लगियो
बागलुङ घटना : अनुसन्धानका लागि एसपीको टोली घटनास्थलतिर प्रस्थान
बागलुङमा होली मनाउने विषयमा झडप, भीरमा भेटियो दुई जनाको शव
होली लगाउने विषयमा बागलुङमा झडप, १५ जना भिरबाट खसेको आशंका (भिडियोसहित)
दर्लिङमा दुई युवा समूहबीच झडप, १५ जना बेपत्ता भएकाे आशंका
बल्देधुरी झडप : होली मेला अचानक यसरी बन्यो रणभूमि
बल्देधुरी घटना : वडाध्यक्षको घरमा प्रहरीको धर्ना !
